Academic FAQs

Bəli, Kipinä artıq 7 dildə və 15 ölkənin milli kurikulumu ilə birgə fəaliyyət göstərir. K12 (On iki illik) məktəblərin nəzdində IB və Kembric Proqramları üzrə fəaliyyət göstərən “Kipinä” kampusları mövcuddur. Erkən uşaqlıq dövründə Finlandiya metodikasının təkmilləşdirilməsi zamanı bir çox kurikulumlar və metodikalar tədqiq edilmiş və bəzi hallarda bunlar Finlandiya metodikasına daxil edilmişdir. Buraya “Montessori” və “Reggio Emilia” kimi müxtəlif kurikulumlar, eləcə də Kanada, ABŞ və İngiltərə metodikaları, STEAM və “Xüsusi Ehtiyaclar” kimi yanaşı sahələr də daxildir.

Əlavə olaraq, beynəlxalq standartlarla qüsursuz şəkildə hibridləşmək və yuxarı sinif mühitinə asanlıqla inteqrasiya üçün uşaqlara kömək etmək məqsədi ilə “Kipinä” Finlandiya metodikasını zənginləşdirmişdir. Biz XXI Əsr Bacarıqları, İcraedici Funksiya və Məqsədyönlü Təlimi bir-birinə inteqrasiya edərək bu nəticəni əldə edirik. “Kipinä”, həmçinin savadlılıq və riyazi bacarıqların ekvivalent olmasını təmin etmək üçün təlim nəticələri ilə yerli standartları da bir-birinə uyğunlaşdırır.

Finlandiya öz təhsil sisteminin bütün dünyada hörmət qazanmasında böyük uğurlar əldə etmişdir. Lakin Finlandiyanın təhsilə yanaşması təsadüf nəticəsində yaranmayıb. Belə ki, Finlandiya “Montessori”, “Reggio Emilia”, “Steiner”, o cümlədən ABŞ və Britaniya metodikalarından bir çox elementlər götürmüşdür. Montessori yüz il əvvəl – təyyarə ilə səyahətin, mobil telefonların və internetin olmadığı dövrdə başlamışdır. Montessori əslində uşaqlara praktiki bacarıqları aşılamaq metodu idi və bu metodiki meyl indi də davam etməkdədir.

Həm “Montessori”, həm də “Kipinä” oyun əsaslı öyrənmə metodikasıdan istifadə edir. Lakin, bütün oyunlar heç də eyni deyil. Belə ki, “Montessori”də əvvəlcədən planlaşdırılmış nəticələri əldə etmək üçün spesifik oyuncaqlardan istifadə edildiyi və bu zaman uşaqların adətən “iş dövriyyələri”ndə (bu zaman sosial münasibət və paylaşmaq prioritet olmur) tək oynadıqları halda, “Kipinä”da uşaqlar kiçik və böyük qruplarda sosiallaşmağa və sosial bacarıqlarını (əməkdaşlıq, empatiya, komanda ilə işləmək) inkişaf etdirməyə təşviq edilir. “Kipinä” müəllimləri uşaqları istiqamətləndirir, lakin bu zaman onların eyni nəticələri əldə etmələri üçün israr etmir ki, uşaqlar öz yaradıcılığını, təbiiliyini və özünəməxsus şəxsiyyətini inkişaf etdirsinlər. “Kipinä sadəcə otaqdakı resurslarla kifayətlənməmiş və ya sadəcə bu resurslardan formalaşmamışdır. Müşahidə edilə bilən təlim nəticələrini əldə etmək üçün hazırlanmış “müəllim-bələdçi (şagirdyönümlü) öyrənmə modeli” vasitəsi ilə əyləncə və təxəyyülə xüsusi əhəmiyyət vermişdir.

“Montessori” adı müəllif hüququ olan vahid bir metodika deyil. Bu səbəbdən də valideynlərə “Montessori” adı ilə müxtəlif keyfiyyətli xidmətlər təklif oluna bilir. Belə ki, valideynlərə yaxşı təhsilli müəllimləri olan yüksək səviyyəli məktəbəqədər müəssisələrindən tutmuş, “Montessori” fəlsəfəsi ilə çox az və ya heç əlaqəsi olmayan yerlərə qədər bu adla müxtəlif xidmətlər təklif edən yerlər mövcuddur. “Kipinä” patentləşdirilmiş akademik proqramdır və bütün dünyada tanınan əmtəə nişanına sahib brenddir. “Kipinä” məktəbəqədər təhsil müəssisələri auditlər tərəfindən yoxlanılır. Bu səbəbdən, valideynlər gözlədikləri keyfiyyəti əldə edəcəklərinə əmin ola bilərlər. Qeyd edək ki, bizim hər bir regionda ekskluziv bir partnyorumuz olur.

“Kipinä” doğuşdan 6 yaşa qədər olan uşaqlar üçün təfərrüatlı bir kurikulum təqdim edir. Əlavə olaraq, biz bütün bu yaş qruplarına həftəlik dərs planları təqdim edirik. Bizim bəzi uşaq bağçalarımız ancaq 2-4 yaş arasındakı uşaqları qəbul etdiyi halda, digərləri doğuşdan 4 yaşa qədər uşaqları qəbul edir. Bəzi məktəbəqədər təhsil müəssisələrimiz doğuşdan 6 yaşa qədər, digərləri isə 2 yaşdan 6 yaşa qədər uşaqları qəbul edirlər. 

Siz mətbəxdə ancaq yemək resepti ilə bişirməyi seçərdiniz, yoxsa aşpazın sizə yeməyin necə bişirildiyini göstərməyini? Cavab eynidir, kitab səhifələrində öyrədilən istənilən şeyi gerçək həyatda həqiqi əşyalarla gerçəkləşdirərək daha yaxşı öyrətmək və yadda saxlamaq mümkündür.

Dəftərlər təhsilin ən aşağı predmetidir-yəni məlumatları xatırlamaq üçündür. Təhsilin yuxarı forması isə biliyi tətbiq edə bilmək, innovativ, kreativ və tənqidi düşünə bilməkdir. Düşünürük ki, siz övladınızın XX əsr yox, XXI əsr bacarıqlarına malik olmağını istəyirsiniz.

Uşaqlar ömründə cəmi bircə dəfə uşaq olurlar, gəlin onları tələsdirməyək. Ev ailə və digər dəyər verdiyimiz şeylər üçündür. Valideyn olaraq öz övladınızla birgə vaxt keçirin və öz dəyərlərinizi yaradın! Bu edə biləcəyiniz ən gözəl ev tapşırığıdır! Biz uşaqların əyləncə eşqini məhv etmək istəmirik, əksinə biz onu böyütmək və ömürboyu öyrənmə sevgisinə çevirmək istəyirik.

Biz “Kipinä”da bütün uşaqları olduğu kimi qəbul edib ən son tədqiqatlardan, öyrənməyə dair holistik yanaşmalardan, keyfiyyətli resurslardan, həvəsləndirici mühitdən, həmçinin balanslaşdırılmış tədris metodlarından istifadə edərək onları lazım olan səviyyəyə doğru istiqamətləndiririk ki, bütün uşaqlar uğurla inkişaf etsinlər.

Finlandiyada olduğu kimi, “Kipinä” bütün uşaqların eyni proqrama birgə qoşulduqları, onlar üçün xüsusi olaraq dizayn edilmiş eyni öyrənmə mühitinə malik tam inkluziv siyasət yürütməkdədir. Fərdi ehtiyaclar, Məqsədyönlü Təlim metodologiyası vasitəsi ilə qarşılanır və erkən müdaxilələr tətbiq edilir, həmçinin müəllimlərimiz tərəfindən istifadə olunan mobil tətbiq vasitəsi ilə də izlənilir. Müəllimlər və köməkçi müəllimlərimiz isə uşaqların özünəməxsus ehtiyacları, maraqları və qabiliyyətlərindən istifadə edərək onlara kənardan istiqamət verə bilmək üçün istiqamətləndirici öyrənmə ilə bağlı təlimlərdən keçirlər.

Bütün “Kipinä” akademik rəhbərləri partnyorumuz olan Häme Tətbiqi Elmlər Universitetində xüsusi ehtiyaclar üzrə təlim kursunu ehtiva edən akreditasiya olunmuş liderlik təlimlərini tamamlamışdır. Müəyyən hallarda, əlavə dəstək üçün əməkdaşlar və ya digər resurslar da lazım ola bilər. Bu hallarda sizinlə əlaqə saxlanılacaq və valideynlərin, müəllim və rəhbərliyin razılığı əsasında qərarlar qəbul ediləcəkdir.

Bizim balanslaşdırılmış kreativ öyrənmə və məqsədyönlü təlim yanaşmamızdan maksimum faydalanması üçün övladınızın müntəzəm olaraq “Kipinä”ya gəlməsi tövsiyə edilir. Əlavə olaraq, pilləli akademik proqramımız vasitəsi ilə övladınız sosial, emosional, fiziki olaraq inkişaf edəcək, növbəti illərdə və yuxarı siniflərdə ehtiyac duyacağı tənqidi düşüncə bacarıqlarına yiyələnəcəkdir.

Adətən, uşaqlar həftədə beş gün “Kipinä”ya gəlirlər. Üç yaşdan aşağı uşaqlar üçün həftədə üç gün tövsiyə olunur. Daha yuxarı yaş qrupuna daxil olan uşaqlar isə həftədə 5 gün iştirak etməlidirlər

“Kipinä” uşağın doğuşundan 6 yaşına qədər 6 fəaliyyət sahəsində (domen) öyrənmə nəticələrinin ardıcıllığı üzrə onun inkişafını ölçür. Bunlar savad, kommunikasiya və dil, münasibətlər və şəxsiyyətin inkişafı, mədəni maariflənmə və müxtəliflik, fiziki inkişaf və sağlamlıq haqqında maariflənmə, riyazi biliklər, həmçinin araşdırma və oyun vasitəsilə koqnitiv inkişafdan ibarətdir. Bu öyrənmə nəticələri və ya hədəfləri bizim yaş qrupuna uyğun inkişaf bacarıqlarına əsasən ölçülür. Müəllimlər yaş qrupuna müvafiq olaraq 70-dən 260-a qədər bacarıq göstəricilərini istənilən yerdə izləyə bilirlər. Finlandiya təhsil yanaşmasında olduğu kimi, biz də düşünürük ki, öyrənmə doğuşdan etibarən başlayır. Ömürboyu öyrənməyə təşviq etmək uşaqları bilik əldə etməyə, çətinliklərin öhdəsindən gəlməyə və özünə inamla yeni təcrübələr əldə etməyə cəsarətləndirmək deməkdir.

“Kipinä” müssisələri yerli qanunlara, səhiyyə və təhlükəsizlik qaydalarına uyğun olaraq uşaqları qruplaşdırır. Uşaqlar siniflərə təkcə öz akademik nailiyyətlərinə görə yox, həm də onların emosional və fiziki inkişafları nəzərə alınmaqla qeydiyyata alınır. Bizim üçün prioritet məsələ təhlükəsizlik və övladınızın tam olaraq öz potensialını göstərməsi üçün ən uyğun yerdə olmasını təmin etməkdir. Əmin olun ki, onun müəllimi övladınızla inkişafın bütün sahələrində fərdi qaydada işləyəcəkdir. Onu da qeyd edək ki, bütün əməkdaşlarımız kənardan istiqamətləndirilmiş təlim və müsbət davranışın dəstəklənməsi üzrə treyninqlərdən keçmişdir.

Bəli, övladınızın bütün istiqamətlər üzrə inkişaf qabiliyyətlərindən və mövcud vəziyyətdən asılı olaraq bu mümkündür. Bu, direktorun, akademik rəhbərin və müəllimin qiymətləndirmə qeydləri, müşahidələri və müəllimin istifadə etdiyi mobil tətbiqdəki qeydləri əsasında dəqiq məlumatlara söykənərək verəcəyi qərardan asılıdır.

Övladınız hazır olduqda! Oxuma-yazma hazırlığı öz emosiyalarına və bədəninə nəzarət edə bilməyə bənzəyir. Belə ki, düzgün oturmaq, qələmi düzgün tutmaq, kitabı əldə düzgün saxlamaq, səsləri düzgün ayıra bilmək və cümlələr qura bilmək üçün kifayət qədər söz bilmək tələb olunur. Əmin olun ki, bu bacarıqlar doğuşdan etibarən, xüsusilə 3 yaşdan sonra təlim keçməklə inkişaf etməyə başlayır.

Bəli, çünki 5 yaşdan etibarən uşaqlar artıq uzunmüddətli tədrisə hazır olurlar. Belə ki, “Kipinä” bu dövrədək onların yaşlarına uyğun formada uşaqları bu mərhələyə hazırlayır.

“Kipinä” öyrənməni əyləncəli və holistik edir. Ənənəvi metodlarla oxumağa yaxud yazmağa həvəsi olmayan uşaqlar bütün duyğuları və varlığı ilə, oyunlar və kənardan istiqamətləndirilmiş fəaliyyətlər vasitəsilə oxumağı və yazmağı sevəcəklər. Ən əsası isə “Kipinä” müəllimləri övladlarınızın bacarıqlarını fərdi şəkildə inkişaf etdirməsi və təkmilləşməsi üçün onlara yol göstərəcəkdir.

Bütün uşaqlar, xüsusilə də aktiv uşaqlar “Kipinä”nın təlim mühitini sevirlər, çünki “Kipinä” onlar üçün dizayn edilib. Onlar təhlükəsiz, sərbəst şəkildə və inamla hərəkət edə bilirlər. Sinif otaqlarının rəngi və quruluşu da onları sakitləşdirəcək və həvəsləndirəcək şəkildə dizayn edilmişdir.